(अ) नेपाली नागरिकसँग विवाह गरेकी विदेशी महिलाको हकमा :-

• सम्वन्धित वडा कार्यालयको  अनलाइन सिफारिस भएको अनुसूची फाराम -७ ।
• जन्म मिति र जन्म स्थान खुल्ने कागज प्रमाण ।
• बाबु र आमाको सम्बन्धित देशको पहिचान खुल्ने प्रमाणपत्र।
• पतिको नागरिकता प्रमाण पत्र र विवाह दर्ता प्रमाण पत्र।
• विदेशी नागरिकताको प्रमाण पत्र त्याग गर्न कारवाही चलाएको प्रमाण र शपथ पत्र।
• नेपालको भिसा आवश्यक पर्ने विदेशी मुलुकको नागरिक भएमा  भिसाको म्याद कायम रहेको निस्सा  ।
• पतिको सनाखत । पति नभएमा नाता भिड्ने नजिकको नातेदार सासु/ ससुरा/देवर वा जेठाजुको सनाखत । सनाखत गर्ने व्यक्ति संगको नाता प्रमाणित।
• आवश्यक देखिएमा वडा र प्रहरीको सर्जमिन मुचुल्का वा प्रतिवेदन समेत माग गर्न सकिनेछ ।

  (आ) विदेशी नागरिकसँग विवाह गरेकी नेपाली नागरिक महिलाबाट जन्मिएका सन्तानको हकमा थप :-

• सम्वन्धित वडा कार्यालयको  अनलाइन सिफारिस भएको अनुसूची फाराम -७ ।
• आमाको नेपाली नागरिकताको प्रमाणपत्र ।
• जन्म दर्ता प्रमाण पत्र र शैक्षिक योग्यताको प्रमाण पत्र।
• नेपालमा स्थायी बसोबास गरेको खुल्ने सम्वन्धित वडा कार्यालयको  सिफारिस ।
• बाबुको नागरिकताको आधारमा विदेशी मुलुकको नागरिकता नलिएको भनी निज र निजको आमाले गरेको- अनुसूची ‘७ क’ बमोजिमको स्वघोषणा ।
• आमाको मृत्यु भएकोमा मृत्युदर्ता प्रमाणपत्र
• आमाको होस ठेगान नभएको अवस्थामा स्विकृत चिकित्सकले गरेको सिफारिस ।
• आवश्यक्ता अनुसार वडा र प्रहरीको सर्जमीन मुचुल्का वा प्रतिवेदन समेत माग गर्न सकिनेछ ।

(इ) बाबु वा आमा मध्ये कुनै एकले जन्मको आधारमा नेपालको नागरिकता प्राप्त गरेको र अर्काको नेपाली नागरिकता प्राप्त गर्न अगावै मृत्यु भएको  वा सम्पर्क विहिन भएका व्यक्तिका सन्तानको हकमा थप :-

• जन्मदर्ता प्रमाणपत्र ।
• कुनै एकले जन्मको आधारमा प्राप्त गरेको नेपाली नागरिकताको प्रमाणपत्र ।
• बाबु वा आमाको मृत्यु भएको भए-मृत्युदर्ता प्रमाणपत्र ।
• जन्मस्थान, नाता र नेपालमा स्थायी बसोबास गरेको व्यहोरा खुलेको स्थानीय तहको सिफारिस ।
• बाबु वा आमा सम्पर्क विहिन भएको भए – सो  व्यहोरा खुलेको स्थानीय तहले गरिदिएको सिफारिस ।

बाबु वा आमाको मृत्यु भएको वा सम्पर्क विहीन भएको अनुसूची ७ ख बमोजिमको स्व-घोषणा ।

(ई) विदेशमा जन्मेको बाबुको पहिचान नभएको सन्तानको हकमा थप :-

• नेपालको नागरिक आमाबाट विदेशमा जन्मेको हुनुपर्ने ।
• नेपालमा स्थायी बसोबास गरिरहेको हुनुपर्ने ।
• विदेशको राहदानी वा नागरिकता नलिएको ।
• बाबुको पहिचान नभएको ।
• सोह्र वर्ष उमेर पूरा भएको ।

 आवश्यक कागजात

• जन्मदर्ता प्रमाणपत्र ।
• आमाको नेपाली नागरिकताको प्रमाणपत्र ।
• निजको जन्मसम्बन्धी मुलुक, स्थान र जन्मसम्बन्धी विवरण खुल्ने कागजात ।
• नेपालमा स्थायी बसोबास गरेको र बाबुको पहिचान नभएको व्यहोरा खुल्ने स्थानीय तहको सिफारिस ।
• विदेशी मुलुकको नागरिकता/राहदानी नलिएको भनी निज र निजको आमाले अनुसुची-७क बमोजिम गरेको स्वघोषणा ।
• आवश्यकता अनुसार वडा र प्रहरीको सर्जमीन मुचुल्का वा प्रतिवेदन समेत माग गर्न सकिनेछ ।