कागजातहरु

१. वंशज नागरिकता (बुबा आमाको नागरिकता यसै जिल्लाको भएको )

1.  - नागरिकता बनाउने मितिमा १६ वर्ष उमेर पुरा भएको हुनुपर्ने।(फोटो सेतो पृष्ठभूमि भएको शिष्ट पोसाक र दुवै कान देखिएको)
2. - फोटो समेत प्रमाणित गरी सम्बन्धित गा.पा/न.पा को वडाबाट सिफारिस भएको अनुसूची १ फारम ।
3. - जन्म दर्ता शैक्षिक प्रमाणपत्र र बाबु आमाको नेपाली नागरिकता प्रमाणपत्र ।
4. - हालसालै खिचिएको अटो साइजको फोटो १ र पासपोर्ट साइजको १ प्रति ।
5. - नाता खुल्ने एकाघर/वंशजतर्फको तीन पुस्ताभित्रका व्यक्तिले सनाखत गर्नु पर्ने र निजको नागरिकता।
6. - सनाखत गर्नेसँग नागरिकतामा नाम/नाता नखुलेको हकमा नाता प्रमाणित।
7. - बाबु वा आमाको मृत्यु भएको हकमा मृत्यु दर्ता प्रमाण पत्र।

विवाहित महिला (वंशज नागरिकता)

1. - सि.नं. १ मा उल्लेखित साथै देहाय बमोजिम कागजातहरु
2. - विवाह दर्ता प्रमाणपत्र/नाता प्रमाणित, पतिको नागरिकता र माईती तर्फको वंश खुल्ने अभिभावकको नागरिकता।
3. - पति वा पतिको एकाघरका व्यक्तिबाट सनाखत गर्नुपर्ने र निजको नागरिकता प्रमाणपत्र ।
4. - पतिको मृत्यु भएको भए सक्कल मृत्यु दर्ता प्रमाणपत्र ।

 

बसाई सराई गरी आउने (वंशज नागरिकता)

1. - सि.नं. १ मा उल्लेखित साथै देहाय बमोजिम कागजातहरु
2. - बसाई सराई प्रमाणपत्र, जग्गाधनी प्रमाण पुर्जा।
3. - स्थायी बसोबासको सिफारिस वा घर सम्पन्न वा निर्माण स्वीकृति।
4. - बिजुली वा धारा पानीको बिल वा मतदाता परिचयपत्र।

 

पितृत्व मातृत्वको ठेगान नभएको व्यक्तिलाई नागरिकता

1. - फोटो समेत प्रमाणित गरी सम्बन्धित गा.पा./न.पा.को वडाबाट सिफारिस गरिएको अनुसूची-१ फाराम।
2. - नेपाल सरकारबाट स्वीकृत प्राप्त बाल मन्दिर वा अनाथालय वा नेपाल सरकारबाट मान्यताप्राप्त संस्थामा हुर्केको भए त्यस्तो संस्थाको सिफारिस र सो संस्थाको प्रमुखबाट सनाखत र निजको नागरिकता सहित स्थानीय तहको सिफारिस।
3. - कानूनी संरक्षकत्व द्वारा हेरिएको भए संरक्षकको सनाखत, निजको नागरिकता, स्थानीय तहको सिफारिस।

बाबु आमाको सम्बन्ध विच्छेद भएमा सन्तानको नागरिकता

1. - फोटो समेत प्रमाणित गरी सम्बन्धित गा.पा/न.पा वडाबाट सिफारिस गरिएको अनुसूची-१ फारम।
2. - जन्म दर्ता, शैक्षिक प्रमाणपत्र, सम्बन्ध विच्छेद प्रमाणपत्र।
3. - अदालतको सम्बन्ध विच्छेद फैसला।
4. - बाबुले वा बाबुको वंशजतर्फको तीन पुस्ताभित्रका व्यक्तिले सनाखत गर्नु पर्ने र निजको नागरिकता।

 

वैवाहिक अंगीकृत (नेपाली संग विवाह गरेको बिदेशी महिला)

1. - फोटो समेत प्रमाणित गरी सम्बन्धित गा.पा/न.पा वडाबाट सिफारिस गरिएको अनुसूची -७ फाराम।
2. - विवाह दर्ता प्रमाणपत्र, जन्मदर्ता, शैक्षिक प्रमाणपत्र, सम्बन्धित देशको पहिचान खुल्ने निस्सा (नागरिकता/मतदाता परिचयपत्र/दुतावास प्रमाणित/राहदानी) र हालसालै खिचिएको फोटो 3 प्रति।
3. - विदेशी नागरिकता नलिने वा परित्याग गर्ने कारवाही चलाएको प्रमाण।
4. - सनाखत गर्ने पति र निजको नेपाली नागरिकता प्रमाणपत्र/पतिको मृत्यु भैसकेको हकमा मृत्यु दर्ता साथै पति संगको नाता प्रमाणित सहित नागरिकता राखी सनाखत गर्नुपर्ने।
5. - भारत बाहेक अन्य मुलुकको हकमा निवेदकले हाल सम्मको अवधिभर मान्य रहने गरी नेपालको भिसा  ।

अंगीकृत नागरिकता लिनु अघि जन्मिएका सन्तानलाई अंगीकृत नागरिकता

1. - फोटो समेत प्रमाणित गरी सम्बन्धित गा.पा./न.पा.बाट सिफारिस गरिएको अनुसूची-७ फाराम ।
2. - बाबु वा आमाले नेपाली नागरिकताको प्रमाणपत्र पेश गरी सनाखत गर्नुपर्ने।
3. - निवेदकको नाता प्रमाणित पत्र, शैक्षिक योग्यताको प्रमाणपत्र, जन्मदर्ता वा जन्ममिति र जन्म स्थान खुल्ने सम्बन्धित गा.पा./न.पा.बाट किटानी सिफारिस।
4. - नेपालमा बसोबास गरिरहेको व्यहोरा खुल्ने सम्बन्धित गा.पा/न.पा.बाट किटानी सिफारिस
5. - नेपालमा स्थायी बसोबास गरी काम गरेको भए सोको प्रमाण।
6. - आवश्यकता अनुसार सम्बन्धित गा.पा./न.पा. लगायत अन्य प्रमाण बुझ्न सकिने ।

 

आमाको नामको नागरिकता /बाबुको पहिचान हुन नसकेको  आधारमा नागरिकता)

1. - फोटो समेत प्रमाणित गरी सम्बन्धित गा.पा/न.पा को वडाबाट सिफारिस भएको अनुसूची-१ फारम ।
2. - जन्मदर्ता, शैक्षिक प्रमाणपत्र (वावुको नाम उल्लेख नभएको हुनुपर्ने)।आमा वा तीनपुस्ता भित्रको नातेदारको नागरिकता, स्थानीय तहमा स्थायी बसोबासको सिफारिस। जग्गाधनी प्रमाण पुर्जा।
3. - स्थानीय तहले गरेको फोटो सहितको नाता प्रमाणित ।
4. - बाबु नखुलेको भनी सम्बन्धित गा.पा./न.पा.को प्रमाणित । पारिवारिक विवरण ।
5. - बाबुको पहिचान हुन नसकेको व्यक्तिले अनुसूची-४क. बमोजिमको ढाँचामा निजको आमाले अनुसूची-४ख. बमोजिमको ढाँचामा प्रमुख जिल्ला अधिकारी वा तोकिएको अधिकृत समक्ष स्वघोषणा ।

 

विदेशी नागरिक संग विवाह गरेकी नेपाली महिलाबाट जन्मिएका सन्तानको नागरिकताको सिफारिस

1.  - फोटो समेत प्रमाणित गरी सम्बन्धित गा.पा./न.पा.बाट सिफारिस गरिएको अनुसूची-७ फाराम ।
2. - आमाको नेपाली नागरिकता,बुबा विदेशी नागरिक खुल्ने प्रमाणपत्र, जन्म दर्ता, शैक्षिक प्रमाणपत्र।
3. - नेपालमा जन्म भई स्थायी बसोबास गरेको व्यहोरा खुल्ने सम्बन्धित स्थानीय निकायको सिफारिसपत्र।
4. - निवेदन उपर छानबिन गरी  सम्बन्धित गा.पा./न.पा. लगायत अन्य प्रमाण बुझी गृह मन्त्रालयमा सिफारिस गरिने
5. - बाबुको नागरिकताको आधारमा निजले बिदेशी मुलुकको नागरिक नलिएको भनी निवेदकले अनुसूची-7 क ढाँचामा स्वघोषणा ।

नागरिकता परित्यागको जानकारी

1. - नागरिकताको सक्कल प्रमाणपत्र, सक्कल राहदानी।
2. - रितपूर्वक भरेको अनुसूची-९ फारम फोटो प्रमाणित सहित।
3. - विदेशी राष्ट्रबाट प्राप्त गरेको नागरिकता तथा राहदानी वा प्राप्त हुने अग्रिम जानकारी पत्र (NO Objection Letter)। नेपाल प्रवेश गरेको भिसा/Arrival छाप।
4. - बाबु, आमा दाजुभाईको नागरिकता ।

 

२. गैर आवासीय नागरिकता 

1. - नागरिकता परित्याग गरेको पत्र।
2. - अनुसूची-८ ग. फारम (फोटो प्रमाणित सहित सम्बन्धित वडा कार्यालयबाट भर्नुपर्ने)।
3. - अनुसूची-८ घ. प्रतिबद्धतापत्र।
4. - अनुसूची -८ च. शपथ।
5. - वडा कार्यालयको सिफारिस पत्र।
6. - विदेशी नागरिकता र राहदानी (प्रतिलिपि र सक्कल)।
7. - सनाखत गर्ने अनिवार्य उपस्थित हुनुपर्ने (नेपाली नागरिकता बाहक तीन पुस्ता भित्रको नातेदार) ।
8. - सनाखत गर्नेको नागरिकता (प्रतिलिपि र सक्कल)।
9. - आवश्यकता अनुसार प्रहरी रिपोर्ट /प्रतिवेदन माग गर्न सकिनेछ ।

३. पुन नेपाली नागरिकता कायम गर्न

1. - नेपालको नागरिकता त्यागेको व्यक्तिले विदेशको नागरिकता त्यागी पुनः नेपालकै नागरिक हुन चाहेमा पहिले जुन जिल्लाबाट नागरिकता प्रमाणपत्र लिएको हो सोही जिल्लामा अनुसूची-११ बमोजिमको ढाँचामा निवेदन पेश गर्ने ।
2. - नागरिकता त्याग गर्नु अगाडि लिएको नेपाली नागरिकताको फोटोकपी/सो नभएमा नागरिकता लिएको मिति र नागरिकता त्याग गरेको मिति खुलाउने ।
3. - विदेशको नागरिकता त्यागेको निस्सा ।
4. - विदेशको राहदानीमा नेपाल आएकोमा भिसा नियमितको प्रमाण ।
5. - आवश्यकता अनुसार सम्बन्धित गा.पा./न.पा. लगायत अन्य प्रमाण बुझ्न सकिने ।

प्रक्रियाहरु